Svizra - Banca naziunala augmenta reservas da devisas
Las reservas da devisas da la Banca naziunala svizra èn s'augmentadas il 5avel mais en seria. La fin da november han ellas muntà a 562,7 milliardas francs.
Quellas reservas èn bun 11 milliardas dapli ch'il mais avant, sco la Banca naziunala communitgescha. D'attribuir è quest svilup probabel a las fluctuaziuns dals curs da stgomi.
Quant fitg u schebain insumma che la Banca ha intervegnì sin il martgà da devisas n'è betg enconuschent. Ils analists quintan dentant mo cun ina lev’intervenziun da l'instituziun.