Svizra - Blers giuvenils han seriusas intenziuns da far suicidi
En Svizra pateschan blers uffants e giuvenils da grevs problems persunals. L'onn passà sajan radund 400 giuvenils sa drizzadas al numer d'urgenza 147 da la Pro Juventute cun seriusas intenziuns da far suicidi.
Legenda:
Placat da la Pro Juventute per far attent a ses numer d'urgenza 147.
Keystone
Sco quai che la Pro Juventute scriva, preoccupeschian temas, depressiuns u patratgs da far suicidi blers uffants e giuvenils. In team d'experts da la Pro Juventute porscha 24 uras en di agid u cussegliaziun. Il pli savens tractian ils discurs da problems persunals, sexualitad, amur u famiglia.
