La Svizra è pronta d'intermediar tar las tensiuns en l'uschenumnada dispita d'inslas en la Mar Sidchinaisa. Il Cusseglier federal Didier Burkhalter ha ditg oz a Singapur che la Svizra possia surpigliar la rolla d'intermediatur sche quai vegnia giavischà.
La Svizra saja in actur vardaivel e neutral ha Burkhalter punctuà. En la Mar Sidchinaisa datti dispita tranter la China, las Filippinas, il Vietnam, la Malaisia, il Taiwan ed il Brunei per inslas nua ch'i vegn supponì da chattar ieli.
RR novitads 17:00
sda/gc