Legenda:
Cablecom ha fatg da l'avrigl fin il zercladur ina svieuta da 336 milliuns francs.
Keystone
cuntegn
Svizra - Cablecom cun dapli svieuta
La gestiunaria da rait da cabels upc cablecom ha fatg dapli svieuta il segund quartal da quest onn. Ella è creschida per 3.5% sin passa 336 milliuns francs. Quai resultat saja cunzunt d'attribuir a las spartas «internet, telefonia e mobile», communitgescha l'interpresa.
Plinavant ha cablecom registrà 0.8% dapli abunaments e dumbra uss passa 2.6 milliuns clients. Da l'avrigl fin il zercladur ha cablecom registrà 15'900 novs abunaments d'internet e dumbra là ussa 755'700 clients. En la telefonia è il dumber da clients creschì per 16'900 sin 497'500.
