Legenda:
Ils manischunzs èn blessads levamain ed ils passagiers èn restads sauns.
Keystone
cuntegn
Svizra - Camiun collidescha cun tren
En la vischnanca da Berikon en il chantun Argovia è in tren da la «Bremgarten-Dietikon-Bahn» collidà cun in camiun. Omadus manischunzs èn sa blessads levamain.
Il manischunz dal camiun saja vegnì transportà en l'ospital, ha la polizia chantunala communitgà. Ils passa 30 passagiers a bord dal tren regiunal na sajan betg vegnids blessads.
Nagina barriera
L'accident è capità sin il culm Mutschellen en la vischnanca Berikon en l'Argovia. La via che maina sur ils binaris n'è betg segirada cun ina barriera. I dat be ina glisch cotschna. Tar la collisiun ha il tren stuschà il camiun plirs meters.