Siglir tar il cuntegn

Header

cuntegn

Svizra Cassas da malsauns frainan ils call centers

Collavuraturs d'in call center telefoneschan e vulan persvader la glieud da midar la cassa da malsauns: Quai na vulan las cassas da malsauns en futur betg pli tolerar. Quai han communitgà Santesuisse e Curafutura, las federaziuns tetgalas da las cassas. 90% da las cassas da malsauns vegnan a sa tegnair vi da questa cunvegna.

Questa regla duai ir en funcziun il cumenzament dal 2021. Tgi che cuntrafa duai vegnir sancziunà. Latiers duain las provisiuns dals intermediaturs per assicuranzas da basa e supplementaras vegnir plafonadas.

Comparis sa mussa critic

Il portal da cumparaziun Comparis sa mussa critic davart questa cunvegna. La cunvegna scumondia be a call centers da telefonar. Ils agens collavuraturs d'ina cassa da malsauns pudessan cuntinuar cun ils telefons seccants. Er la Fundaziun per la protecziun da consuments sa mussa critic. Els pretendan in scumond general da las provisiuns.

RTR novitads 17:00

Dapli da Svizraavrir la Landingpage

Nach links scrollen Nach rechts scrollen