Legenda:
Massa bler si e giu -
ils martgads d’aczias volatils fan difficil a las cassas da pensiuns svizras da realisar bunas renditas.
Keystone
cuntegn
Svizra - Cassas da pensiun svizras sut squitsch
Las cassas da pensiun svizras han gì difficultads da gudagnar raps sin ils martgads d’aczias dal 2015 difficil. En pli avevan ellas da cumbatter cun ils tschains bass. Quai na vegn betg a sa midar dal 2016 co ch’igl resulta dad ina retschertga da l’agentura da novitads svizra sda.
Il 2015 n'è betg stà in bun onn per las bun 1'800 cassas da pensiuns e lur 4 milliuns assicurads. Tenor l'interpresa da cussegliaziun Towers Watson haja sulettamain l'aboliziun dal curs minimal da l'euro custà las cassas radund 4% da lur facultad.
Panica na saja però betg inditgada cunquai ch'i sa tractia tar ils affars da las cassas da pensiuns dad ina fatschenta a lunga vista.
