La Chadaina da fortuna appellescha da far donaziuns per ils fugitivs. La catastrofa da fugitivs daventia adina pli critica. Milliuns dad umans sin la fugia sajan visads sin agid d’urgenza per surviver.
Donaziuns pon ins far sin il conto 10-15000-6 cun la remartga «fugitivs», sin www. glueckskette.ch u sur l’app da rimnar «Swiss Solidarity».
Pervi che las schliaziuns politicas manchian, possia be l’agid umanitar mitigiar la suffrientscha en la situaziun actuala.
La chadaina da fortuna po quintar cun il sustegn da la SRG. Durant 10 dis vegnan radio e televisiun da tuttas 4 regiuns linguisticas a far avis sin il tema ed appellar da far donaziuns. «La SRG è conscienta da si’obligaziun umanitara», ha ditg il directur general Roger de Weck.
