Siglir tar il cuntegn
La politicra Chantal Galladé.
Legenda: Chantal Galladé durant la sessiun da stad dal Cussegl naziunal il 2017. Keystone

Svizra Chantal Galladé sa retira

Il november che vegn va la davosa sessiun dal Cussegl naziunal per Chantal Galladé a fin. Quai ha la politicra da 45 onns declerà al «Sonntagsblick».

Dapi il 2003 fa la pedagoga part dal Cussegl naziunal. Sia decisiun era da spetgar, damai ch’ella è vegnida elegida avant curt a Winterthur sco presidenta d'in cussegl da scola en uffizi cumplain.

L’engaschi naziunal da Chantal Galladé ha cunzunt pertutgà la politica da furmaziun, la politica exteriura e la politica da segirezza. Dal 2011 fin il 2013 è ella stada presidenta da la cumissiun per la politica da segirezza dal Cussegl naziunal.

Emprim suppleant sin la glista da la PS Turitg per il Cussegl naziunal è in um. Daniel Frei ha 39 onns, fa part dal Cussegl grond turitgais ed ha presidià pli baud la Partida socialdemocratica dal chantun Turitg.

RR novitads 06:00

Artitgels legids il pli savens