Sch'ils custs da tgira na pon betg vegnir purtads cumplainamain da las cassas da malsauns u dals pertutgads, ston ils chantuns pajar il rest. Els na pon dentant betg definir ina summa maximala, sche las contribuziuns na cuvran betg ils custs.
En in cas concret ha la cassa da cumpensaziun dal chantun Son Gagl tschentà quint ad ina dunna perquai che ses custs da tgira han surpassà la summa maximala ch'il chantun aveva definì. L'executur da testament da la dunna ch'è entant morta ha fatg recurs cunter la decisiun ed ha survegnì dretg.
RR novitads 14:00