L'emprim’analisa vegn il nov team probablamain a preschentar aifer la segunda mesadad dal 2016. Per l’analisa lavura la FORS ensemen cun il Center per Democrazia Aarau e l’institut LINK.
1,8 milliuns francs per analisar 15 votaziuns
Ils custs per l'incumbensa muntan ad 1,8 milliuns francs. Quels custs cuvran l’analisa da 15 votaziuns cun totalmain 50 projects. Per mintga project vegnan telefonicamain mintgamai dumandads 1’500 votantas e votants.
Suenter la votaziun davart l'iniziativa d'immigraziun aveva cumenzà ina dispita pervi da l'analisa da VOX. Politologs han dubità la fitg pitschna participaziuns da la generaziun giuvna.
RR novitads 12:00