Plinavant pretendan ils lavurers ina meglra protecziun tar mal’aura e da dumping da paja, scrivan ils sindicats Unia e Syna en ina communicaziun a las medias.
Seria da protests da la branscha da construcziun
Il glindesdi avevan radund 3’000 lavurers en il Tessin fatg chauma. E per la mesemna èn sumegliantas acziuns planisadas per la Svizra franzosa. Il di da protest dals sindicats Unia e Syna a Bellinzona ha marcà l’entschatta d’ina seria da protests en Svizra per il contract collectiv da la branscha da construcziun.
Situaziun tendita tranter impressaris e sindicats
Gia dapi mais regia ina situaziun tendida en la branscha. Ils impressaris vulan prolungar l'existent contract collectiv naziunal da lavur. Ils sindicats percunter pretendan tractativas per in nov contract cun novas cundiziuns.
RR novitads 08:30