Il Cussegl federal duai far in rapport e mussar ord tge objects che plastic arriva en l'ambient. Il Cussegl naziunal ha approvà in postulat che pretenda da la Confederaziun en collavuraziun cun ils chantuns e las vischnancas ina strategia fin il 2030. La gronda part dals pachetadis na saja oz il di betg producida uschia ch'ins possia reciclar u reutilisar tals.
La politicra da la Partida Verda s'orientescha en ses postulat sin la strategia da la cumissiun da l'Uniun europeica. Lezza vul standardisar il sistem da rimnar las differentas sorts da materias sinteticas. Plinavant duaja dar alternativas per pachetadis che vegnan duvrads be ina giada.
RR novitads 17:00