Legenda:
Serge Gaillard, directur da l’administraziun federala da finanzas e la cussegliera federala Eveline Widmer-Schlumpf en discurs davart il preventiv 2016.
Keystone
cuntegn
Svizra - Confederaziun prevesa expensas da 67 milliardas il 2016
Il Cussegl federal budgetescha per l’onn proxim expensas da circa 67 milliardas francs, quai èn 4 milliardas francs pli pauc ch’èn l’ultim plan da finanzas. Il 2016 na dastga uschia betg vegnir dà ora dapli daners che quest onn.
Per il 2017 è alura planisà in program da spargn. Indicaziuns concretas n’ha il Cussegl federal dentant anc betg fatg. L’atun vul il Cussegl federal alura avrir la consultaziun sur dal program da stabilisaziun per ils onns 2017 enfin 2019. Il program da spargn è cunzunt necessari perquai che las entradas da la taglia federala directa stagneschan.