-
Bild 1 von 5. Tut è pront per la festa gronda, las bandieras e la musica. Bildquelle: RTR, Gionduri Maissen.
-
Bild 2 von 5. La sala ad Erstfeld è bain emplenida. Bildquelle: RTR, Gionduri Maissen.
-
Bild 3 von 5. La tensiun e l'atmosfera crescha. Bildquelle: RTR, Gionduri Maissen.
-
Bild 4 von 5. La tensiun e l'atmosfera crescha. Bildquelle: RTR, Gionduri Maissen.
-
Bild 5 von 5. Tut era pront per far festa gronda ad Erstfeld. Bildquelle: RTR, Gionduri Maissen.
La speranza che Heidi Z'graggen turnia da Berna sco cussegliera federala era gronda – dentant invana. Il chantun Uri ha vinavant da spetgar sin sia u ses emprim cusseglier federal.
Ad Erstfeld regia consternaziun
Malgrà tut la speranza eran ils dad Uri gia avant las elecziuns en l’Assamblea federala er realistics che lur candidata Heidi Z’graggen saja sulet ina outsidera. Ma tuttina spetgavan ils preschents cun tensiun sin in'elecziun cun tensiun.
Che Viola Amherd è alura vegnida elegida gia en l’emprim scrutini n’ha nagin sminà en la sala da la plaiv ad Erstfeld e la consternaziun era gronda e da sentir.
Z’graggen memia pauc enconuschenta
Las emprimas analisas dals preschents mussan lura er, che Heidi Z'graggen era bain per ils blers en sala la favurita – ma ils blers eran er conscients ch’ella na saja betg propi enconuschenta sin livel naziunal ed en il parlament. Quai era in cler dischavantatg envers Viola Amherd.
Tuttina èn ils dad Uri anc restads en sala ed il café cun latg ni groma ha midà cun in café cun vinars.
RR actualitad 17:20