Er la Svizra contribuescha a la spariziun da spezias mundiala, tant en il pajais sco er en l'exteriur. Quai mussa la passida ecologica da l'WWF. Tenor questa passida ha la Svizra davent da mardi consumà dapli natira che quai ch'ella avess da bun per l'entir onn.
Mardi è tenor l'organisaziun per la protecziun da l'ambient WWF il «Swiss Overshoot Day». Quai munta, la Svizra ha quai di duvrà si tantas resursas natiralas sco quai ch'i stess a disposiziun per l'entir 2019. Davent da damaun mardi vivia la Svizra sin emprest e sin cust da generaziuns vegnintas.
Inditgà d'avair nauscha conscienza
Oravant tut tar viadis cun aviun, traffic sin via e tar il rument èsi inditgà d'avair ina nauscha conscienza. Svizras e Svizzers sgolan en media trais giadas uschè bler che auters burgais da l'UE, viagian en l'entira Europa cun ils autos ils pli pesants e tutgan tar ils producents che genereschan il pli bler rument dal mund.
RR novitads 14:00