Svizra crititgescha decisiun da la USA

La Svizra crititgescha ch'ils Stadis Unids renconuschan Jerusalem sco chapitala dad Israel. La decisiun da la regenza americana eviteschia ina pasch gista e durabla tranter ils Israelians e Palestinais.

Ina part da Jerusalem cun la cupla dad aur. Bild in Lightbox öffnen.

Legenda da maletgs: La Svizra crititgescha ils Stadis Unids. Keystone

Da renconuscher Jerusalem sco chapitala da l'Israel saja in obstachel per la pasch tranter Palestina ed Israel. Quai scriva il departament federal per l'exteriur davart la decisiun da Donald Trump.

La Svizra fa endament che las decisiuns dals Stadis Unids n'hajan nagina influenza sin il dretg internaziunal. Damai ch'i na dettia nagina cunvegna internaziunala, restia l'ambassada Svizra a Tel Aviv. Plinavant na renconuschia la Svizra betg l'Israel sur ils cunfins che sajan vegnids fixads il 1967. Ultra da quai vegnia la Svizra a s'engaschar per in stadi palestinais duraivel.

La Svizra appellescha ultra da quai a tut las partidas involvidas da desister da violenza ed autras acziuns che pudessan impedir la perspectiva sin ina pasch durabla e gista.

RR novitads 12:00