La raschun èn iniziativas dals chantuns Grischun e Vallais. Quels pretendan d’astgar nizzegiar bajetgs agriculs betg pli duvrads ordaifer la zona da bajegiar cun mesira sco abitaziuns.
Cumissiun fa atgna proposta
Bain ha la UREK renvià unanimamain las iniziativas chantunalas perquai ch'ellas sajan memia rigurusas. I na saja betg commensurà da nizzegiar auter plirs tschientmillis da tals bajetgs. Ella renconuscha dentant che stallas e clavads digns da vegnir protegids sajan bains culturals prezius. Senza mesiras concretas existia il privel che quels svaneschian.
Reacziun Reto Crameri
L’iniziant e promotur da l’iniziativa, il deputà Reto Crameri, vesa tuttina il positiv: Era sche l’UREK haja renvià las iniziativas dal Vallais e dal Grischun perquai ch’ellas sajan memia rigurusas, vegnia almain l’intent da l’iniziativa integrà en la revisiun da la lescha per la planisaziun dal territori.
Reacziun Reto Crameri
Chantuns vulan pudair decider sezs
L'intent da las iniziativas vul la cumissiun dal Cussegl dals chantuns integrar en la revisiun da la lescha per la planisaziun dal territori. Dentant crititgeschan ils dus chantuns explicitamain, che la dumonda d’utilisar aclas sin autras modas è reglada sin livel naziunal.
RR novitads 11:00
