La Svizra survegn il pli aut rating da credit. L'agentura da rating Fitch ha confermà il AAA ed ha er laschà la prognosa dal rating sin il stgalim «stabil».
Il giudicament motivescha l'agentura Fitch cun la politica d'economia e da taglia ponderada, l'economia bainstanta ed in nivel aut da furmaziun. La Svizra surpassia auters pajais cun il rating AAA en ils pli blers indicaturs fa a savair Fitch. L'agentura ha augmentà la prognosa dal product naziunal brut da 2,1 sin 3%.
