Legenda:
Ils 17 da december 2013 aveva l'Uniun sindicala svizra inoltrà l'iniziativa.
Keystone
cuntegn
Svizra - Cunter iniziativa AVS-plus
La cumissiun per la segirtad sociala e sanadad dal cussegl naziunal refusa l'iniziativa AVS-plus da l'Uniun sindicala svizra. Per la maioritad da la cumissiun donnegia l'iniziativa l'economia perquai che las contribuziuns a la paja stuessan vegnir auzadas.
En ina communicaziun fa da savair la cumissiun ch'il sistem actual funcziunia bain perquai che rentas bassas possian vegnir augmentadas cun prestaziuns cumplementaras. L'iniziativa pretenda che las rentas da l'AVS vegnan auzadas per 10 %. Il cussegl dals chantuns è gia s’exprimì cunter l’iniziativa.
