Siglir tar il cuntegn
bajetg sin in culm, il bajetg ha cellas solaras
Legenda: L'ovra electrica sin il Jungfraujoch, las cellas solaras vid la paraid. (maletg da simbol) Keystone / BKW FMB ENERGIE STR

Svizra Current solar ord ils culms è meglier

In problem dal current solar è ch'i vegn producì la stad la pli blera electricitad, il pli bler duvrassi dentant l'enviern. Tenor ils scienziads da l'ETH Losanna e da l'Institut da naiv e lavinas a Tavau pudess il current solar ord la muntogna cuvrir meglier il basegn variabel.

Quai resulta d'ina examinaziun da la Scola politecnica federala (ETH) Losanna e da l'Institut da naiv e lavinas a Tavau. En muntogna saja la productivitad pli auta ord trais motivs:

  • l'enviern hai pli paucs nivels
  • la naiv reflectescha bler glisch da sulegl
  • l'atmosfera «mangia» u «tragutta» pli pauca radiaziun dal sulegl

Il current solar da la muntogna pudess uschia cuvrir meglier il basegn variabel d'electricitad ch'ils implants solars en la Bassa, manegian ils scienziads. Els han era fatg calculaziuns concretas. Sch'ins vuless remplazzar fin l'onn 2050 la mesadad dal current atomar cun current solar, lura duvrass quai en la Bassa ina surfatscha da cellas solaras da 57 km², en la muntogna però sulet ina surfatscha da 47 km².

Per pudair nizzegiar optimalmain la glisch reflectada durant l'enviern stuessan ils panels solars avair ina pendenza da 65 grads, pia bler pli tais ch'en la Bassa cun 37 grads.

RR novitads 21:00

Artitgels legids il pli savens