Siglir tar il cuntegn
Cussegl communal da Berna.
Legenda: Pon ins insumma execuir en dus la lavur d'in cusseglier communal? Keystone

Svizra Cussegl da citad da Berna vul jobsharing en l'executiva

«Jobsharing» duai er esser pussaivel en l’executiva. Da quest avis è almain il parlament da la citad da Berna. El ha incumbensà la regenza d’examinar las pussaivladads.

L’idea è da far accessibel funcziuns da cader a dapli parts da la populaziun. Er las pretensiuns temporalas d’in tal uffizi fissan plitost supportablas, argumenteschan ils aderents. Per il parlament da Berna è dentant cler: avant ch'ins po realisar ina candidatura en dus ston ins anc sclerir bleras dumondas: Co pudess ina candidatura en dus vesair ora? Co vegnan las lavurs repartidas?

L'executiva è pauc intgantada

L’executiva da la citad da Berna sa dosta però cunter quests plans: I na saja betg pussaivel da parter la responsabladad politica. Occupaziuns dublas chaschunassan be confusiun, argumenteschan ils adversaris. E sch'ins represchentia en dus chaschunia quai anoravers sco era a l'intern intschertezzas.

Il cussegl communal da Bern ha dentant purschì maun.

Nus vegnin sa chapescha a tschertgar soluziuns – era sche quai munta grond engaschament.
Autur: Alec von Graffenried president da la citad Berna

RR novitads 06:00

Artitgels legids il pli savens