Legenda:
Purs che producescha latg per far tschigulatta svizra per l’export duain survegni dapli daners che proponì dal Cussegl federal.
Keystone
cuntegn
Svizra - Cussegl dals chantuns vul dapli daners per agricultura e J+S
Il Cussegl dals chantuns vul dar dapli daners per l’agricultura e per la Giuventetgna e Sport. Per ils programs dad J+S vul il Cussegl dals chantuns dar 17 milliuns francs dapli, il Cussegl federal propona be 12 milliuns dapli.
Per ils producents da victualias ha il Cussegl dals chantuns deliberà in credit supplementar da 25,6 milliuns francs. I va per l’uschenumnada «lescha da tschigulatta»: Tgi che producescha latg svizzer u graun per producir tschigulatta svizra u biscuits per l’export, ha survegnì ils ultims onns 70 milliuns francs da la Confederaziun.
Quest onn aveva il Cussegl federal proponì 20 milliuns supplementarmain pervia dal ferm franc, mo il Cussegl dals chantuns ha auzà questa summa per passa 5 milliuns. Omaduas fatschentas tracta il Cussegl naziunal l’emna proxima.
