Legenda:
Stop da medis:
Ils proxims trais onns resta il stop da medis fin là duai il parlament avair elavurar alternativas.
Keystone
cuntegn
Svizra - Cussegl federal: Stop da medis resta
Il Cussegl federal è d'accord da cuntinuar cun il stop da medis. Anc pli gugent avess la regenza svizra francà la schliaziun provisorica permanentamain en la lescha. Quai n'ha il parlament federal dentant betg vulì.
Lura avessan medis en spezial ord l'UE mo anc pudì avrir ina pratica sch'il basegn è avant maun. Il stop da medis vala gia dapi il 2001, è dentant limità enfin la stad 2016. Per ch'il parlament ha temp d’elavurar in'alternativa vegn quest stop prolungà anc ina giada per 3 onns.
Il Cussegl federal è trumpà ch’il parlament n’è betg suandà a las soluziuns proponidas. Da schliar il stop da medis na vegnia dentant betg en dumonda. Il dumber da medias e medis independentas pudess crescher ed ils custs uschia crescher rapid.
