Legenda:
Il dretg d'ierta è passa 100 onns vegls.
Keystone
cuntegn
Svizra - Cussegl federal vul adattar il dretg d’ierta
Il Cussegl federal vul adattar al temp preschent il dretg d'ierta ch'è passa tschient onns vegls. Il relaschader da l'ierta duai pudair disponer pli libramain da sia facultad e per exempel pudair privilegiar pli ferm il partenari betg maridà.
Pèrs betg maridads na duain dentant era en l'avegnir betg esser eguals a pèrs maridads. Il Cussegl federal vul sbassar las cumparts obligatoricas per ch'il relaschader da l'ierta po decider pli libramain tgi che po ertar ses daners.
