Legenda:
Il Cussegl federal vul rinforzar ils dretgs dad unfrendas violenza a chasa e da stalking (maletg d'archiv).
Keystone
cuntegn
Svizra - Cussegl federal vul chadainas electronicas per stalkers
Il Cussegl federal vul proteger meglier unfrendas da violenza a chasa e da stalking. Uschia duain stalkers tranter auter stuair purtar chadainas da pe electronicas. Dentant na vegnia betg controllà en temp real, schebain els tegnian en scumonds da contact.
Il Cussegl federal ha approvà la mesemna midadas tar il dretg civil e dretg penal. Quai cun far pliras adattaziuns suenter la critica en la consultaziun. Fin oz pon las dretgiras sulet ordinar in scumond da contact u da rayon.
Datas sco document giustificativ
En il futur duain ins pudair prescriver chadainas da pe u da man. Tras quellas po vegnir eruì, nua ch'il stalker sa chatta. Las datas vegnan betg controlladas en temp real, però san ellas vegnir duvradas sco document giustificativ en ina procedura.
