Siglir tar il cuntegn
Dunnas che fan nordic walking.
Legenda: Tar il stil da viver sanadaivel tutga er il moviment. Keystone

Svizra Cussegl federal vul promover stil da viver sanadaivel

Malsognas sco cancer, diabets, demenza u malsognas da la circulaziun e dal cor èn responsablas per 80% dals custs da sanadad, quai èn radund 65 milliardas francs per onn. Cussegl federal e chantuns vulan ussa agir communablamain.

Il Cussegl federal ed ils chantuns han deliberà ina strategia naziunala che duai impedir u retardar talas malsognas u almain mitigiar las consequenzas da quellas.In punct central da la strategia ch'il minister da sanadad Alain Berset ha preschentà è la prevenziun. Il sa cuntegnair da mintgina e mintgin haja ina influenza decisiva sin il decurs da talas malsognas.

Prevegnir als facturs da ristga

La Confederaziun ed ils chantuns vulan perquai sustegnair la populaziun da tgirar in stil da viver sanadaivel e da prevegnir als facturs da ristga. Tranter quels tutgan il consum da tubac, il consum d'alcohol exagerà, mancanza da moviment u er nutriment malsanadaivel e surpais.

Tenor l'Organisaziun mundiala per la sanadad WHO pudess in stil da viver sanadaivel impedir u retardar radund la mesada da las malsognas.

RR novitads 14:00

Artitgels legids il pli savens