Legenda:
Il telefon da la Pro Juventute cun il numer 147 scalina adina pli savens.
Keystone
cuntegn
Svizra - Damain dumondas da sexualitad – dapli problems
Giuvenils svizzers cloman adina pli savens il numer d'urgenza 147 pervi da grevas crisas persunalas. En media èn dus giuvenils per di s'annunziads l'onn passà ch'avevan l'intenziun da far suicidi. Quai communitgescha la Pro Juventute.
Tar mintga quart telefon giaja per dubis da sa sez, tema, stress u sur-pretensiun. Ina giada per emna han ins stuì metter en moviment ina intervenziun da crisa perquai che la vita dals giuvenils è stada periclitada acut. Dumondas areguard la sexualitad e l'amur vegnan dentant adina pli raras.
