La pli gronda part dals mazzaments vegnan commess dad umens. Quai dat cunzunt en egl sch'ins mira sin mazzaments ch’èn schabegiads en relaziuns. Qua èn 90 pertschient dals delinquents umens. Gist il cuntrari èsi tar las unfrendas. Bun 90 pertschient èn qua dunnas.
Las cifras da l’Uffizi federal da statistica mussan plinavant ch'igl è fitg probabel che l'unfrenda ed il delinquent enconuschan in l'auter. En varga la mesadad dals cas mortals è l'unfrenda vegnida mazzada dal partenari ni da la partenaria ni dad ina persuna ord la parentella.
Il pli savens vegnan duvrai cuntels e sumegliants instruments, violenza corporala ni era armas da fieu. Sche pistolas ni buis èn involvidas è la probabilitad che l'unfrenda mora il pli grond.
RR actualitad 12:00