Legenda:
En media èn stads occupads 76 da 100 plazs tar la Swiss.
Keystone
cuntegn
Svizra - Damain passagiers per la Swiss
La Swiss ha offert dapli sgols il prim quartal, ha dentant registrà damain passagiers. Dal schaner fin il mars ha la societad aviatica svizra transportà tut en tut 3,5 milliuns passagiers, quai è 1% pli pauc che l'emprim quartal 2015.
Sco quai che la Swiss communitgescha, saja cunquai era sa reducida l'occupaziun dals sezs. En media eran occupads 76 da 100 plazs, avant in onn era quai 79 da 100. Il concern mamma, la Lufthansa ha perencunter transportà 4% dapli passagiers ils emprims 3 mais, en total 8,4 milliuns.
