L’avust da quest onn ha il commerzi en detagl en Svizra fatg radund 2,9% damain svieuta che l'onn passà. Suenter avair purifitgà da las midadas da pretschs e dis da vendita e firads, resulta in minus da 3%, cumpareglià cun l'avust 2015. Cumpareglià cun il fanadur 2016 resulta in minus da radund 0,3%, communitgescha l'Uffizi federal per statistica.
Il svilup differescha però fitg tenor sectur: Entant ch'il commerzi en detagl cun mangiativas, bavrondas e rauba da tubac ha pudì registrar in augment da 0,8%, è la svieuta en il sectur senza mangiativas ina sminuziun da 5,8%.
Uschia sa manifestescha in trend negativ en il commerzi da detagl dapi il schaner 2015.
RR novitads 10:00