En l’avegnir duai vegnir investì dapli en interpresas giuvnas en uschenumnads «startups». En ina decleranza communabla han decis quai la Confederaziun, represchentants da cassas da pensiun, bancas ed assicuranzas.
Legenda:
En futur duajan dapli startups crescher a Turitg.
Keystone
Tar in inscunter suprem a Berna han ils participants suttascrit ina decleranza per sustegnair pli fitg interprendiders giuvens. Tranter auter è vegni fixà en questa decleranza che las organisaziuns vulan motivar lur commembers da sustegnair voluntarmain interprendiders giuvens ed uschia era tecnologias novas.
Er vul uss il Cussegl federal examinar mesiras co megliurar las cundiziuns da basa interpresas giuvnas en Svizra.
