L'onn passà èn s'augmentadas en Svizra las naschientschas, ils mortoris, ils divorzis sco era las renconuschientschas da la paternitad. Sa sminuidas èn perencunter las maridaglias ed ils partenadis registrads. Quai communitgescha l'Uffizi federal da statistica.
Il 2015 èn naschids èn Svizra 86'600 uffants, 1'300 dapli ch'il 2014. Malgrà ch’igl ha totalmain dà dapli naschientschas, n’han ils Svizzers para betg dapli gust da far pops: Il dumber da naschientschas resta constant tar 1,5 uffants per dunna.
Per l'emprima giada dapi sis onns èn era ils divorzis creschids. L'onn passà hai dà 17'000. Maridaglias hai dà bunamain 42'000.
RR novitads 12:00