Tut en tut ha il corp da guardias da cunfin registrà la segunda emna da settember 1’211 passagis illegals. L'emna avant han 1’013 persunas vulì entrar en Svizra sur il cunfin en il Tessin.
Las bleras persunas derivian da l'Eritrea, la Guinea e l'Etiopia. Quai resulta da las cifras actualas che las Guardias da cunfin han communitgà.
Malgrà ch'il dumber dals cas s'augmentia na surpassian quellas betg ils dumbers da record dal fanadur e l'avust. Quai communitgeschan las Guardias da cunfin svizras.
Avant bun in mais eran vegnids registrads passa 2’000 passagis da cunfin illegals.
RR novitads 12:00