Legenda:
Ils ultims 2 onns ha la SBB sviluppà la nova applicaziun che mussa cun segns acustics e visuals al locomotivist, sch'el charrescha malgrà in signal cotschen.
Keystone
cuntegn
Svizra - Dapli segirtad sin binaris svizzers cun nova «app»
Sch'in locomotivist da l'SBB vul charrar vinavant cun il tren malgrà cazzola cotschna, lura survegn el danov in avertiment acustic e visual sin ses iPad en la cabina da manischunz.
Informatichers da las Viafiers federalas (SBB) han svilupà in'atgna applicaziun che duai augmentar la segirtad. La centrala da manaschi vesa, sin tge binari en la staziun ch'il tren stat, e co il signal è tschentà. L'applicaziun cumpareglia questas datas ed in sensor da moviment remartga, sche l'iPad sa mova. Uschia vegn examinà sch'il binari è dà liber u betg.
