Las incumbensas da las persunas d'instrucziun èn vegnidas schlargiadas adina dapli ils davos onns. Quai dentant senza metter a disposiziun dapli temps ed ils locals necessaris, crititgescha LCH.
Las mesiras da spargn actualas en il sectur da la furmaziun augmentian anc il squitsch sin ils scolasts. La consequenza: Adina dapli scolastas e scolasts èn spussads, demotivads, han depressiuns e crodan la finala en in Burn-out.
Scolas en la responsabladad
Sco tut tschels emploiads en Svizra hajan era la magistraglia il dretg, che lur sanadad vegni protegida a la plazza da lavur, di LCH. L'uniun tetgala pretenda perquai ch'il dumber da las incumbensas correspundia al temp da lavur e che las stanzas da scola adempleschian las normas da sanadad da la Confederaziun.
Ultra da quai duain las scolas vegnir obligadas da survegliar la situaziun da sanadad da lur emploiads e da porscher a scolastas e scolasts en difficultads agid professiunal.
RR actualitad 08:00