Svizra Di da chaliras cun quasi 40 grads

En bleras regiuns en Svizra èsi oz stà uschè chaud sco anc mai. Tenor SRF Meteo saja la temperatura la pli auta stada 39,7°C a Genevra.

Sco SRF Meteo scriva saja quai pussaivel ch’il termometer mussia per l’emprima giada insumma temperaturas sur 40°C en il nord da las alps.

Temperaturas autas èn vegnidas mesiradas en la Svizra romanda en general, ma era en il Valais ed el Grischun en la regiun da Cuira e la Val dal Rain.