Legenda:
Turbulenzas tar il club d'automobils svizzer ACS.
Keystone
cuntegn
Svizra - Dispita entaifer il club d’automobil svizzer ACS en proxima runda
Il cusseglier naziunal bernais e pussibel nov president dal club, Christian Wasserfallen, ha laschà bloccar tut ils contos da l’ACS. Uschia veglia el impedir che la garda veglia sa servia sco en ina butia d’autoservetsch. Cun quai ha Wasserfallen confermà in rapport da la gasetta «Blick».
Il president actual Mathias Ammann è sa mussà schoccà davart questa mesira. Tenor Ammann è il futur dal ACS periclità. Il medem mument ha la procura publica bernaisa instradà ina procedura penala perquai che l’anteriur directur da l’ACS Stefan Hollenstein ed il president actual Mathias Ammann avevan denunzià in l’auter.
