La lingia da contact giaschia per part sin las rodaglias ha ditg in pledader da l'SBB. Davent las 10:00 duai la lingia esser libra almain sin in binari.
Svizra Disturbi da tren tranter Olten e Turitg
Ina lingia da contact defecta impedescha il mument la lingia da viafier tranter Olten e Turitg. Igl è da far quint cun retards e sviaments. Tenor il servetsch d'infurmaziun da l'SBB è la lingia interutta tranter Othmarsingen e Lenzburg. Pertutgà ferm è il traffic da pendularis.
sda/hs