Legenda:
Atgnamain datti il 2015 ina fitg bun’annada da vin, dentant procura in med cunter bulieus per grondas perditas.
Keystone
cuntegn
Svizra - Donns da milliuns per ils viticulturs svizzers
Als viticulturs svizzers smanatschan quest onn perditas da fin 80 milliuns francs pervi da donns tras in med cunter bulieus.
Quai stima l'Associaziun svizra dals viticulturs sin basa d’ina retschertga. Var 900 viticulturs èn pertutgads.
Tenor la retschertga crodan davent var 5% d’ina racolta annuala ordinaria da 110 milliuns liters. Ils blers viticulturs pertutgads èn dals chantuns Vad e Vallais.
Il cumenzament da la stad avevan viticulturs scuvert defurmaziuns da la figlia tar singulas vignas. I vegn suspectà ch'in med dal concern da farmazia e chemia tudestg Bayer è la raschun. Bayer ha spert cusseglià da betg pli duvrar il med, e la Confederaziun ha entant scumandà quel.
