L’interpresa svizra Dormakaba vul reducir ils custs marcantamain. En consequenza vul l’interpresa stritgar enfin 800 plazzas da lavur. Quant bler plazzas da lavur duain vegnir stritgadas en Svizra n'è anc betg enconuschent.
En l'onn da fatschenta 2025/2026 duain vegnir spargnads 170 milliuns francs. Ulteriuras mesiras da spargn è da procurir per ina planisaziun globala, e da reducir il dumber da furniturs e furnituras. Las emprimas midadas datti gia quai onn en la firma cun sedia a Rümlang.
Dormakaba occupescha passa 16'000 emploiads ed emploiadas sin l'entir mund. Ella è spezialisada sin schliaziuns da serradira, sco per exempel clavs.
audio
Per tadlar: las novitads da las 08:00
ord RTR Audio dals 03.07.2023.
laschar ir. Durada: 5 minutas 22 Secundas.