Las Naziuns Unidas pretendan che la Svizra controlleschia meglier ils concerns multinaziunals areguard ils retgs umans. Tenor ils experts na tanschan las mesiras d'autoregulaziun voluntaras betg, scriva l'ONU en in studi per meglierar la protecziun dals dretgs dals uffants.
Il pajais stoppia guardar che firmas cun sedia en Svizra vegnian obligadas da render quint en cas da violaziuns da dretgs umans ed uffants. Quai er sche las violaziuns capitian a l'exteriur. En quest reguard stoppia la Svizra plinavant armonisar il dretg da confederaziun e chantuns.
