Arguments dals aderents
- Il sistem da stipendis actual n'è betg fair e betg suffizient. Mintga chantun surdà stipendis tenor auters criteris.
- Stipendis èn impurtants per reagir sin la mancanza da forzas da lavur spezialisadas. Surtut students da studis cumplains per exempel en il sectur da sanadad u inschigneria èn dependents da stipendis per insumma pudair far la scolaziun.
- La cuntraproposta indirecta na solva nagins problems. Il concordat da stipendis na sforza betg mintga chantun da sa participar e prescriva be principis e naginas reglas liantas davart la surdada da stipendis.
Arguments dals adversaris
- La centralisaziun tar la Confederaziun n'è betg necessaria. Ils chantuns enconuschan lur students e san meglier tge che quels dovran.
- L'armonisaziun tras il concordat da stipendis vegniss retardà. Tar in gea a l'iniziativa na vegnissan las adattaziuns en las leschas da stipendis dals chantuns che fan part dal concordat betg proseguids e l'armonisaziun vegniss retardada per onns enfin ch'ina nova lescha federala entrass en vigur.
- Ils custs supplementars stuessan vegnir cumpensads. L'augment dals stipendis che l'iniziativa pretenda manass a custs supplementars dad enfin 500 milliuns francs che stuessan vegnir spargnads en auters lieus en il sectur da la furmaziun.
Recumandaziuns dal parlament
Il Cussegl federal ed il parlament recumondan da refusar l'iniziativa dal pievel.
- Il Cussegl naziunal ha refusà l'iniziativa cun 135 vuschs cunter 58 vuschs e duas abstenziuns.
- Il Cussegl dals chantuns l'ha refusà cun 32 vuschs cunter 12 vuschs ed ins abstenziun.
Parolas da las partidas
- Gea: PS, Verds
- Na: PBD, PCD, PPS, PLD, Verd liberals
Dumonda da votaziun
- Vulais Vus acceptar l’iniziativa dal pievel «Iniziativa davart ils stipendis e revisiun totala da la lescha davart contribuziuns da scolaziun»?
audio
Mezdi: Votaziun – Prevista iniziativa davart ils stipendis
ord Actualitad dals 18.05.2015.
laschar ir. Durada: 3 minutas 33 Secundas.
audio
Iniziativa davart stipendis – pro e contra
ord Actualitad dals 22.04.2015.
laschar ir. Durada: 4 minutas 51 Secundas.