Siglir tar il cuntegn

Svizra Svizra duai prender si 50'000 fugitivs

10'000 persunas han suttascrit in appell naziunal per prender si tant pli spert 50'000 fugitivs en Svizra. Las suttascripziuns èn vegnidas surdadas oz a la ministra da giustia e polizia, Simonetta Sommaruga. Cunfins dal pajais na dastgan betg mazzar, ha ditg la presidenta dal sindicat Unia.

purtret da Simonetta Sommaruga
Legenda: Simonetta Sommaruga ha retschavì gist dus appels che tutgan a ses departament. Keystone

Da prender si tant pli spert 50'000 carstgauns en privel saja in cumond da l'umanitad, ha ditg Vania Alleva avant radund 50 persunas. L'appell era vegnì lantschà la fin da mars da sindicalists ch'eran daventads perditgas da la suffrientscha da millis da persunas sin la ruta dal Balcan.

Il medem mument han ils Giuvens verds surdà lur appel «per ina politica da futigitvs pli umana». En quest appel fan els responsabel la Svizra per las tragedias als cunfins exteriurs da l'Europa.

RR novitads 14:00