La dumonda per il mandat da protecziun è vegnida dals Stadis Unids. Er la Venezuela po dumandar per in mandat, scriva il departament da l'exteriur. Ina tala dumonda na saja dentant anc betg vegnida.
Deescalar e stabilisar
Il minister da l'exteriur Ignazio Cassis ha ditg che la Svizra na piglia betg partida per ils Stadis Unids cun surpigliar il mandat. La Svizra metta a disposiziun il servetsch sco stadi neutral che porscha la schanza per deescalar las tensiuns tranter ils dus stadis e per contribuir a la stabilitad en la regiun.
Il servetsch porscha la Svizra sche dus stadis interrumpan per part u dal tut lur relaziuns. Il president da la Venezuela Nicolas Maduro ha interrut il schaner las relaziuns diplomaticas cun ils Stadis Unids. Quai suenter che l’USA avevan declerà lur sustegn per l'adversari da Maduro, Juan Guaidò, che sa numna president ad interim. La Russia e la China sustegnan percunter a Nicolas Maduro.
RR novitads 18:00