Siglir tar il cuntegn

Header

Navigaziun

Purtret dad Ignazio Cassis en il parlament.
Legenda: La petiziun dad Ican pretenda che Ignazio Cassis suttascriva la cunvegna per scumandar armas atomaras. Keystone
cuntegn

Svizra Svizra duai suttascriver scumond internaziunal d'armas atomaras

A la Chanzlia federala è vegnida surdada ina petiziun cun passa 26'000 suttascripziuns. Quella pretenda che la Svizra duai sa participar a la cunvegna da l'ONU per il scumond internaziunal d'armas atomaras.

Il cusseglier federal Ignazio Cassis, stoppia tant pli spert instradar la suttascripziun da la cunvegna, uschia la pretaisa da la petiziun. La petiziun sa numna «Scumandar armas atomaras – spendrar la tradiziun umanitara da la Svizra». Ella saja vegnida lantschada suenter ch'il Cussegl federal aveva decis da betg vulair far par il mument da la cunvegna, communitgescha il bratsch svizzer da la campagna internaziunala per abolir las armas atomaras Ican.

Il scumonda per armas atomaras saja in'acquisiziun umanitara, accentuescha Ican. La Svizra haja contribuì a moda considerabla per che las consequenzas umanitaras da las armas atomaras vegnian en il center da la debatta da discharmament. Uss stoppia la Svizra er suttascriver la cunvegna. Quai correspundia a la neutralitad da la tradiziun umanitara dal pajais.

RR novitads 06:00