Siglir tar il cuntegn

Header

cuntegn

Svizra Svizra dumbra grond potenzial da lavur

L’onn passà hajan els dumbra 830’000 persunas che fissan prontas d’augmentar lur temp da lavur ni che pudessan lavurar ni tschertgan ina lavur scriva l’Uffizi federal da statistica.

La Svizra possedia in grond potenzial betg nizzegià da forzas da lavur. L’onn passà hajan els dumbra 830’000 persunas che fissan prontas d’augmentar lur temp da lavur ni che pudessan lavurar ni tschertgan ina lavur scriva l’Uffizi federal da statistica.

Sper las persunas dischoccupadas e las persunas che lavuran a temp parzial e che augmentassan gugent lur temp da lavur tutgan tar quai potenzial da forzas da lavur era la uschenumnada «reserva zuppada». Tar quella quinta l’Uffizi federal da statistica tut quellas persunas che tschertgan ina lavur, che n’èn dentant betg immediat disponiblas e quellas persunas che na tschertgan betg activ ina plazza, che pudessan dentant surprender ina lavur a curta vista. La gronda part da la reserva zuppada èn dunnas, scriva il BFS.

In sguard sin l’Europa mussa che la Svizra è quest pajais cun la pli gronda quota da persunas sutoccupadas. I suondan la Spagna e la Frantscha. Da tschella vart dal spectrum èn l'Ungaria e la Republica Tscheca.

RR novitads 12:00

Artitgels legids il pli savens