Tar in accident cun in vehichel da l'armada a Linden en il chantun Berna èn duas persunas vegnidas blessadas grevamain. Plirs ulteriurs sajan vegnids blessads main grev. Quai ha communitgà il Departament federal da defensiun VBS via Twitter.
Legenda:
Il camiun è puspè vegnì tschentà si, uss vegn l'accident examinà.
SRF / Mirjam Spreiter
Per motivs anc betg enconuschents saja in camiun cun 19 persunas a bord vegnì giu da la via e cupitgà. Plirs schuldads èn vegnids blessads, dus grevamain. In dad els è vegnì blessà grevamain vid il chau e l'auter vid il dies.
La truppa era sin via da Jassbach a Thun per in exercizi da sajettar. L'accident vegn examinà. La via resta probabel serrada enfin mezdi.
