Legenda:
Il tunnel dal Gottard è serrà suenter d'in accident mortal.
MAD, Polizia chantunala UR
cuntegn
Svizra - Dus morts tar in accident en il tunnel dal Gottard
Il tunnel dal Gottard è serrà suenter in grev accident. Tar l'accident èn duas persunas mortas e quatter blessadas. In camiun ed in auto sajan collidads, conferma in pledader da la polizia chantunala da l'Uri.
L'accident è capità suenter las nov en il tunnel, radund tschintg kilometers davent dal portal dal nord a «Caschanutta». In automobilist german era sin via vers il nord ed è ord motivs nunenconuschents vegnì sin l'auter vial, nua ch'el è collidà frontal cun in camiun cun numer svizzer.
Sviament sur San Bernardin
Il tunnel era serrà durant il suentermezdi. Davant ils dus portals aveva dà colonnas d'autos e la polizia aveva cusseglià da guntgir sin l'A13 tras il tunnel dal San Bernardin. Entant è il tunnel dal Gottard puspè avert en omaduas direcziuns.
