Siglir tar il cuntegn

Header

cuntegn

Svizra Svizra e Bangladesch vulan intensivar lur relaziuns

La Svizra ed il Bangladesch vulan intensivar lur relaziuns. Quai communitgescha il Departament da l'intern suenter la visita dad Alain Berset en il Bangladesch.

La mesemna è la visita da cusseglier federal Alain Berset en il pajais sidasiatic ida a fin. Il resultat: La Svizra ed il Bangladesch vulan intensivar lur relaziuns. La visita svizra è er stada in segn da solidaritad per il Bangladesch: Il pajais ha prendì si radund 655'000 fugitivs da la gruppa dals Rohingya, oriunds dal pajais vischin Myanmar.

Ulteriurs 12 milliuns

D'ina vart vul la Svizra intensivar l'engaschament umanitar en il Bangladesch. Per il 2018 ha Alain Berset empermess ulteriurs daners d'agid da 12 milliuns francs. Il davos onn aveva la Svizra sustegnì il Bangladesch cun 8 milliuns francs.

Auters puncts da la decleraziun èn stadas las relaziuns bilateralas sco er la collavuraziun sin stgalim internaziunal. Il commerzi bilateral dals dus pajais haja per exempel sa dublegià dapi il 2010.

RR novitads 15:00

Artitgels legids il pli savens